O Goberno acorda coas asociacións de televisión, radio e prensa un tratamento informativo da violencia de xénero máis axeitado. 

O pasado mércoles 12 de decembro,  María Teresa Fernández de la Vega reuniuse con Manuel Campo Vidal, Presidente da Academia das Artes e Ciencias da Televisión (ATV), Pilar de Yarza, Presidenta da Asociación de Editores de Diarios Españois (AEDE), Fernando González Urbaneja, Presidente da Federación de Asociacións de Periodistas de España (FAPE), e Javier González Ferrari, Presidente da Asociación Española de Radiodifusión Comercial (AERC), co fin de dar un novo impulso á loita contra a violencia de xénero nos medios de comunicación.

No encontro, a Vicepresidenta informou de primeira man ós reunidos das medidas acordadas tanto coas televisións comerciais como coas públicas, recalcando a importancia de que toda a sociedade, e especialmente os medios de comunicación, polo papel relevante que desempeñan nela, se comprometan no combate contra a violencia que se exerce contra as mulleres. Os presidentes das catro organizaciones mostraron a súa absoluta disposición a colaborar nesta loita e asumiron as medidas xa postas en marcha nas cadeas televisivas.